نحلم نسرح باحلامي
نسبح فوق مواج لبحر بخيالي
نرتاح في هاذ لمكان
وياك حنا بنات مزݣان
بلهفة نگول ياريت
لوكان كنت حورية بحر
نعيش بين سما ومواج
نحبك يا لبحر
حب مالو مثيل
نتشابهو أنا وياك في لجنون
أنا لهايمة في هواك
ونتا لمغروم
مواج قلبي ومواجك
بحال بحال في المد والجزر
وحتى في السر المدفون
بير ما يفضح غير يخبي
وخا تهب لرياح
في العمق ديما السكون
في مواجك لهايجة ما نغرق
نخاف أنا من مواج لبر ولبشر
ما نخاف من مواج لبحر
نعرف طريق لمرسى والصبر
تعلمت نعوم ف الصغر
من يومي برج الحوت
نهجر مدينة ساحلية نموت
ونا بين إيديه نحكي ليه
ما يجادلني
حتى صوت مواجو تسمعني
محلاها ݣلسة كل صباح
على شط لبحر
نكتب نرتاح
يا موجة
حطي قلبك على قلبي
خليني نكتب نبدع
ولبلية زينة لعطية
نقدمها ليك يا بحر هدية
حمامة لبريجة
سناء يماني
