عشقي ف الضو
گبل ما يبهات
و تسكن الظلمة… هاذ الذات
عشقي انا ف الما
نكّطاتو وكحات
ﺍﻟﻮﺍﺩ ﻳﺒﻜﻲ …
دموعو نشفات
ﻋﺸﻘﻲ ﺍﻧﺎ ﻑ ﺍﻟﺤﻴﺎﺓ
كي عشقي ف الموت
الى جات …
صابت الروح مبايعة
كي عشقي ف الدنيا
الى بغات …
عطات الخاطر
و جات طايعة
عشقي ف النور
الى ضُوَّا
من ذيك الكوة…
مسح سلهام الظلام
و رام للغبشية
يساوي وترات الليل
يسلخ لفجر من نهارو
يلوح الندى من سماه
و يعشقو …
كيف عشقت انا شمسو
و عشقت نورو و نارو.
