قصيدة : مولاي عبد الله بني أمغار تاريخ وآصالة يا فخر دكالة

يا مولاي عبد الله بني أمغار يا عالي المقام

فيك تجمّع الأحباب من كل مكان

دكالة قالت : مرحبا باللي جانا

الجديدة دكالة بالفرحة غمرانا

من البئر الجديد جاو الرجال

من سيدي بنور جاو أهل النضال

من أزمور جاو ناس الكرم

الجديدة قالت : مرحبا بالهمم

من الواليدية جا النسيم

 صوت المحبة عظيم

يا دكالة يا أرض العز والكرامة

يا أرض الجدود وأرض الشهامة

فيك الفارس فوق حصانو يبان

والبارود يدوّي والفرحة في المكان

 يا مولاي… يا مولاي عبد الله

يا موسم الخير والفرحة معاه

خيول تجري والفرسان صفوف

ودكالة كاملة بالحب تشوف

يا فرسان دكالة شدّوا اللجام

وخليو التبوريدة تحكي الكلام

طلقة جماعية تهز السما

والناس تصفق وتقول: الله الله

الجديدة اليوم لابسة حلة

والمدن الصغار جاية على مهلة

كل واحد جاب معاه المحبة

واجتمعنا كاملين في هاذ الرحبة

يا أهل دكالة يا ناس الوفا

يا اللي الكرم عندكم ما يختفا

الجار جار والضيف مرحابو

واللي دخل داركم يلقى أحبابو

مولاي عبد الله يابني أمغار يا اسم كبير

ذكرك في القلوب باقي وما يطير

من جيل لجيل تبقى الحكاية

وتراثنا يبقى راية وراية

يا موسم يجمع القريب والبعيد

وفيك الفرح كيتجدد من جديد

نحييو التراث ونصونو الأمانة

ونخليو دكالة ديما فرحانة

مدينة الجديدة يا عروس البحر

يا مدينة التاريخ والحب والسهر

يا مولاي عبد الله يابني أمعاشر أرضك أرض الأصالة

بكم نفتخرو يا ناس دكالة

من القرية للمدينة صوت واحد

المغرب يجمعنا وما بيناتنا حاجز

يد في يد والقلب على القلب

والخير والمحبة بين الشعب

يا مولاي عبد الله بني أمغار يا عنوان

يا موسم دكالة يا زين المكان

تبقى ديما شامخ بين البلدان

وتراثك محفوظ عند الأجيال بإحسان

الله يحفظ دكالة وأهلها

والجديدة ونواحيها وأصلها

يحفظ المغرب من شمالو لجنوبو

ويزيد المحبة بين شعبو وقلوبو

الله الوطن الملك