ما فيها باس نعرفو الطريقة الصحيحة لذبح أضحية عيد الأضحى

    الذبح أرحم للحيوان … وماشي أي ذبح … و إنما الذبح على الطريقة الشرعية الإسلامية
فعيد الأضحى وكذا في جميع الذبائح بعذ ذكر إسم الله … فاش كاتنحر الحيوان ضروري تقطع ليه الوَدجَيْن (الشريان والوريد) والحلقوم ومجرى الطعام والماء (المريء والقصبة الهوائية) كيف جا فالسنة وبطريقة سريعة وثابتة ومضبوطة كيما هو مبين فالسنة .

    بهاذ الطريقة الدم مكايبقاش يوصل للدماغ فجزء أقل من الثانية وكايغيب الحيوان عن الوعي بسرعة كبيرة ومكايبقاش يحس بمرة … كايبدا يخرج الدم من الحيوان بكثرة … الخروف مغيب وفاقد الوعي ومكايحس بوالو تماما … ولكن بعد لحظات كايبدا الخروف يتركل ويتحرك بقوة … هنا كايحساب لينا راه لخروف كايتعذب ولكن لا … الخروف فاقد الوعي والإحساس وديك الحركات هي بسبب أن الدماغ كايسيفط رسالة عصبية كايطلب فيها من الأعضاء يعطيوه الدم … (هذا علاش ماخصناش نقطعو الرأس أثناء الذبح باش مانقطعوش النخاع الشوكي لي كايعمل صلة وصل بين الدماغ وباقي الجسد) وهذا علاش كايبداو الأعضاء يتحركو باش يضخو الدم للدماغ ولكن داك الدم كايوصل للقلب وكايخرج من العروق لي مقطعين (الودجين) … كاتستامر العملية حتى يتم إفراغ السقيطة كلها من الدم وكاتنقى مزيان … وكايبقا غير اللحم الطري . 

    الخروف يمكن يتعذب فالذبح إلى كان السكين حافي ولا الشخص لي يذبح ماعارفش يضبط العملية وكايخلي شي عرق متصل لي كايدوز الدم للدماغ وهنا كايحس الحيوان بالألم . 

    بالنسبة للسلخ فراه خاص نقطعو الرأس بعد موت الحيوان وقبل الشروع في السلخ … باش يتقطع النخاع الشوكي وتتقطع الصلة بين الدماغ وباقي الجسد هكا كاترخى البهيمة و تولي سهلة فالسلخ .

   وهكذا كتكونو ذبحتو وسلختو … وبالصحة والراحة وعيد مبارك سعيد .

عن هيئة التحرير

اضف رد

لن يتم نشر البريد الإلكتروني .

x

‎قد يُعجبك أيضاً

خارطة الصراع والتنافس في ليبيا

بقلم المحلل السياسي هشام بن الحكم      هل اقتربت ساعة الصفر لحرب عالمية في ...