حسن تميم يكتب:
(حـاضـرة الـمحيط … حاصرها السيل و الحيط)
*** لـغـز الـمـا والـطـيـن***
أش طرا و جـرا لـسـورك الـعـالي
حتى لـبـحر اللي كـان صـديـق
ولّا غـدره يـلالي
الـواد سـرق لـون الـفـخـار…
وخلّا الـطـيـن بـاكي
والـريح لـي كـانـت نـسـمة…
ولّات بـالـموت تـحـاكي
خـرج الـواد تايه راكب لعناد …
يقـلب بين الفجوات عـلى باب
مـا مـيـّز بـيـن عـتـبـة و دار…
ولا بـيـن شـيـب وشـبـاب
الـمـديـنـة لـبـسـت ثـوب الـصـمـت…
وتـغـطّـات بـلون الـضـبـاب
كـل عـيـن شـافـت الـفـوق…
تـسـول شكون حضر و شكون غـاب
ف كـل زنقة كـايـن سـر…
دفـنـه الـسـيـل وبـقـى
حـكـايـة للخوابي لي تـكسـرت…
تباعت ب سوم النـقـا
يـا لـمـديـنـة لـي صـبـرتـي لـلـزمـان…
وذقـتـي مرارة الـشـقـا
ف عـمـاقـك جـمرة طـفـاهـا الـمـا..
وبـقـات فينا حـرقة
يا سـفـيـنـة الـطـيـن…
مال مـوج الفرح غـريـق
لـمـي شـتـات الـروح…
وداوي جـرح الـصـديـق
راه لـفـجـر مـهـمـا طـال ليله…
لازم يـلـقـى الـطـريـق
ويـبـقـى الـمـا عـبـرة…
والـصـبـر هـو يفك الضيق.
حسن تميم 16/12/2025
