الواجهةثقافة وفنون ومؤلفات
قصيدة زجلية للشاعر العربي المجدوب الغيواني تحت عنوان:”لهاونا بالسهير و التفاهات”
لهاونا بالسهير و التفاهات
وتلفونا على الأوقات
خلاونا انسبحو ف القنوات
اطفال ورجال وعيالات
ما تبعنا قرايت الكتاب
ما شدينا طريق الصلوات
كلشي ملاهي مع القنوات
كتر المسخ و زاد كملها الفساد
و لا حياء في الدنيا بقات
الشطيح و الرديح والتفاهات
وكتر المنكر والعرى و السهرات
وقلوبنا سكنتها كرة القدم و تفتنات
والنساء و المتلين عمرو القنوات
ما بقينا انعرفو النسا من الرجال
الطفل يشطح مع اميمتو واختو وباه
وميمتو من تحت كرشو بالزيف محزماه
وايغنيو ف ها لواه سيدي لواه
باش يتشهرو ف القنوات
وايبيعو شرفهم على قبل المال
يابنادم يا بني ادام
رهاد الدنيا منا شكات
وقبور الغفران علينا غضبات
خلينا على الصلا
والطريق الصحيحة
وضيعنا الأوقات
وما ابقا قد لي فات
يمكن قرب الساعة قربات
بقلم العربي المجدوب الغيواني
