گلت انا …
بقلم: حسن تميم
وحدة من لعدو عرفناها
لاخرى من لقريب ولفناها
إلي من السماء لبسناها
قياس الصبر
و إلي من الارض فصلناها
قياس لغدر
…………
وحدة من العدو عرفناها
لاخرى من القريب ولفناها
وشمناها ف الكانة
ب طابع الخيانة
….هدنة …
مكتوبة سطور ممسوحة
على ورقة مدبوحة
سَيْحت دموع الصبيان
نسولكم ؟؟؟
واش گاع لجراح كيخليها سيف؟
ولا لّي يغدر ما يبين النصل؟
اوا شوف انت …
شوف و سْقَلْ …
من السما لبسناها قياس الصبر
ومن الارض فصلناها قياس لغدر
كل يوم جديد محسوب عيد
ها كسدة الشهيد وسادة لكل طفل
كفن ملفوف على حلم مخنوق
ف كل بيت راب…من حجر و تراب
قبر … محلول ف قلب كل دار
بيبانو على القبلة مشرعة
كوة… على مراح الجنة تطل
هذاك لعدو وحده عرفناه
كلب نابح
و ذاك لقريب عاد غريب
بلا سيف ذابح
ياك بعتوا القضية ف سواق العار
وقسّمتوها كيف بغيتو بلا شوار
اوا شطحوا على بكانا
على جرحنا و لغانا
رفعوا شارة الذل ف وجه السيادكم
و خليونا …
نرفعوا شارة التحدي ف وجاه الخوانة.
