نورس البريجة: خالد الخضري

في هذا الجزء الثالث من حكاية أغنية مولاي عبد الله، يتم عرض وتحليل كلمات الأغنية  كما أداها صاحبها الأصلي، الكاتب والملحن الفنان المرحوم التهامي السالمي عازف الوتار، رفقة عمه احمد السالمي عازف الإيقاع على آلة البندير.  تم تسجيل هذه الأغنية عند أسطوانات كازافون (45 لفة) في ستينيات القرن 20.. مدة أدائها 11دقيقة.

((اللازمة: وابا.. وابا.. وابا.. وعاد عدا مولاي عبد الله الوالي راحنا جينا نزوروك

كنا مجموعين وبتنا فرحانين .. راحنا مشينا نزورو مولاي عبد الله بني حسين..

ودزنا مع طريق الولجة وتشوف التبهيجة.. ربي جاب فراجة..

ودزنا مع طريق الاثنين.. واهيا الوالي الحنين.. تعالى تشوف الزين.. را السوالم جايين زايرين..

   (اللازمة)

وطلعنا في العقبة.. وبانت لي القبة.. وديال مول الراكوبة ..

وراحنا لحقنا للواد.. وواد ام الربيع.. والطريق غادية وتعواج.. وياك ممنوع الدوبلاج..

ورا دخلنا لأزمور.. وبان لي الجامور.. وبغيت نزل نزور..

وبغيت نزورك ونطوف.. راني في الحديد غادي مخطوف.. والوالي راك تشوف.. احسبني من الزايرين ..

(اللازمة)

ويا المدينة الجديدة.. والمدينة القديمة ..راحنا نزوروك ديما..

ولحقنا للجديدة ..فاضت لي الكبيدة.. وقلت ليها مالكي فريدة.. حينت الغربة فايتة فيا..

ومالكي مجلية في الخُليان ودايرين.. بك الويدان.. شكون هما الضمان.. لازم تعاودي ليا ..

واهيا ولد سيدي دحمان.. لا تبقاشي فگعان.. راهم ثلاثة ضمان..

والاول في الضمان مولاي الحسن ..حينت القصر مبني فيا..

وراه علي هَيْبة ..واخ تكون العسّة غيبة.. ما يقدر حد يحوم عليا..

وحاشا ما نتضر ..حاشا ما نتغير ..مبني في القصر..ومعلقين فيا التصاور ..حتى حاجة ما تجرا فيا..

(اللازمة)

والثاني في الضمان راني عليه محسوبة.. وعلى مولاي بوشعيب مول الراكوبة ..

والثالث في الضمان.. مولاي عبد الله نوبة نوبة ما يفرطشي فيا..

ولحقنا لراس المجبد.. راحنا جبرنا الموسم جابد..

ورا حطينا في شط البحر.. والخيول تمّاك تهضر ..

وتعالى تشوف السروت.. ارواح يا من باغي يموت.. دابا وقتك يفوت.. والسناحات كيف الياقوت.. بالنهار يضويوا عليا..

وزرنا الحلاقي.. مولاي عبد الله باقي.. حتى واحد ما باقي..

طركنا حلقة الغليميين.. ويا مولاي عبد الله ويابني مغار ..وياك اللي زارك.. كاينو شاف الجنة بالنهار..

وعندو تسع شراجم ..ثلاثة مقابلين البحر ..وثلاثة للجرف الاصفر.. ثلاثة مقابلين القبلة.. واللي هو مولوع را الجامع تمة ..

من الفوق تبقى عطشان.. ومن التحت الما يقطر..

ودرنا في الغابة.. قلت ليها يا الغابة.. جيتي بين الواد والبحر ..في السمايم راكي مضمونة..

وكِتديري في ايام السمر ..وبعد الحال عليك يوعر..ربما يفيض عليك البحر.. راني ما نسخاشي.. بك ويا خضرة الشجر..

وقالت لي يا السالمي يا وليدي.. هكّا ربي قدر ..واللي جابو الله يصبر..

مولاي عبد الله بني مغار ..يطلب علي القهار ..ما يفيضش علي البحر.. ويبقاو الأوراق اخضر.. ديما العشران يحوصو فيا

(اللازمة)

وتجمعو كاع الخيول / السروت.. جات من كل بلاد.. مولاي علد الله المعتاد.. حينت جا بين البحر والواد..

ورا جاوا خيل السوالم ..جاوا خيل اولاد حريز ..وجاونا خيل شياظمة ..وجاونا خيل عبدة.. وجاوا الغليميين، يعجبوني في الجذبة.. وجاونا خيل احمر ..وجاوا اولاد السي بن داوود، تعالى تشوف الشعر.. وجاونا القواسم ،يحكموا في الطير الحر ..

وجاوا خيل جعيدان ،يا سيدي امحمد الشرقي، جاوا مطوعين الطرقان.. جاوا خيل العونات.. وجاو خيل المعاشات، واهيا امّالين الزيتونات.. وجاوا خيل البروج، ما جبرت مين ندوزن والكثرة مع العشية ..

(اللازمة)

وتعالى تشوف دكالة، مولاي عبد الله الفحل، والسربة بالتهلال، الكثرة مع العشية..

وعلفة العشية.. وعلفة السروية.. يطيحو الهول علي..

ودرنا في الطوموبيل.. راحنا بدينا ندويوا.. في بعضياتنا كنوصيوا..

وكلنا فين غادين نحطو.. فين غادين نزلو ..وكلها يلقى فعلو.. شوفو شي كدية.. وتكون شوية نقية.. باش تانا ترشق ليا..

وياك الوثاق والطوموبيل.. والوتار يعيط يا ليل.. والكنبر يالله مشرية..

وحطينا الوثاق ..والقبة تعجب بالزواق.. وتمة عقلي يحماق.. واهيا السامع ليا..

والسالمي وعمو ..من تريكة خالي حمو.. ونطلب ربي يرحمو.. في الصباح والعشية..

وبركنا ثلث ايام ..والماكلة بالنظام.. غير الحولي ولحم الغَنَم ..

ولحم الحمام ..وكريكر مشوية.. فرررر ..

في هذا الفيديو المرفق: شاهد، اسمع وتمتع